S‘Winterweekend esch au scho weder passé. Mer hend en cooli Ziit ofem Hollyhall Planet dörfe verbringe. Dete hemmer s Hippyalien kenneglert ond versuecht zfange.

Es esch mega schüch gsi dorom het sech das als sehr schwerig usegstellt. Dases sech chli wohler bi üs gfühlt het hemmer T-Shirts kunterbunt agmolet (so wie sAlien). Die deför bruchte Materialie hemmer aber zersch inerem astrengende Fightgame mösse erkämpfe. Zuesätzlech hemmer en Sauna bouet, demts chli wärmer ofem Hollyhall-Planet worde esch. Zom Znacht hets denn feini Pilzli gä, im Hippyalien sis Lieblingsesse. Die Pilzli send leider vergiftet gsi. Dorom hemmer möglichst schnell es Gegegift in Form vonerem Lebchueche mösse entwickle. Deteför hemmer userem Lebchuecheteig en frei erfondeni Form kreirt ond aschliessend gesse. SAlien esch denn chli zuetraulecher worde doch leider esches so öberaktiv gsi dases im ganze Dorf omegsecklet esch ond üs wie weld Selfies gscheckt het. Mer hend somit 3 Groppene gmacht oms weder izfange. Nochere lange Verfolgigsjagt hemmer vom Alien es Selfie becho, wos im Weltall onderwegs esch. Somit hemmer noch dem astrengende Weekend zersch emol en Pause mösse ilegge ond wärded dSuechi nochem Hippyalien spöter fortsetze.

 

  • 56ecdfbb-b749-4513-bc04-2cc5306355d0
  • 5d84b309-0bf0-4304-ac9c-c3e494a632af
  • 790f9deb-9f9f-46ba-ad9e-2fa5401f1055
  • 7bdc73e6-e0f1-4810-948c-eb467d71559e
  • 8556dc02-887f-4188-9f15-136e8fceaa7e
  • 863c114b-029d-4935-a27b-6e7801b385ae
  • dc7bbaab-d424-4f68-9406-a3609419f84b
  • e40cce9f-0af1-4544-a22b-264e721ebb76
  • ed8be9b8-840a-408e-a19c-f9ee113c8f60